भेट तुझी माझी स्मरते अजुन त्या दिसाची
धुंद वादळाची होती रात्र पावसाची
कुठे दिवा नव्हता, गगनी एकही न तारा
आंधळ्या तमातून वाहे, आंधळाच वारा
तुला मुळी नव्हती बाधा भीतिच्या विषाची
क्षुद्र लौकिकाची खोटी झुगारून नीती
नांव गांव टाकुन आली अशी तुझी प्रीती
तुला परी जाणिव नव्हती तुझ्या साहसाची
केस चिंब ओले होते थेंब तुझ्या गाली
ओठांवर माझ्या त्यांची किती फुले झाली
श्वासांनी लिहीली गाथा, प्रीतिच्या रसाची
सुगंधीच हळव्या शपथा, सुगंधीच श्वास
स्वप्नातच स्वप्न दिसावे तसे सर्व भास
सुखालाही भोवळ आली मधुर सुवासाची
Bhet tujhi maajhi smarate ajun tya disaachi
Dhund waadalaachi hoti raatr paawasaachi
Kuthhe diwa nawhata, gagani ekahi n taara
Andhalya tamaatun waahe, andhalaach waara
Tula muli nawhati baadha bhitichya wishaachi
Kshudr laukikaachi khoti jhugaarun niti
Naanw gaanw taakun ali ashi tujhi priti
Tula pari jaaniw nawhati tujhya saahasaachi
Kes chinb ole hote thenb tujhya gaali
Othhaanwar maajhya tyaanchi kiti fule jhaali
Shwaasaanni lihili gaatha, pritichya rasaachi
Sugndhich halawya shapatha, sugndhich shwaas
Swapnaatach swapn disaawe tase sarw bhaas
Sukhaalaahi bhowal ali madhur suwaasaachi