या पोस्टमध्ये तुम्हाला hanuman bhajan marathi lyrics, English Lyrics सोबत bhajan या श्रेणी तुन मोफत ऑनलाइन मिळेल..
hanuman bhajan marathi lyrics
Asa Ha Ekach Shri Hanuman Bhajan Lyrics
तरुन जो जाइल सिंधु महान
असा हा एकच श्रीहनुमान्
भुजंग धरुनी दोन्हीं चरणीं
झेपेसरशी समुद्र लंघुनि
गरुड उभारी पंखां गगनीं
गरुडाहुन बलवान्
अंजनिचा हा बलाढ्य आत्मज
हा अनिलाचा सुपुत्र क्षेत्रज
निजशक्तीनें ताडिल दिग्गज
बलशाली धीमान्
सूर्योदयिं हा वीर जन्मला
त्रिशत योजनें नभीं उडाला
समजुनिया फळ रविबिंबाला
धरुं गेला भास्वान्
बाल-वीर हा रवितें धरितां
भरें कापरें तीन्ही जगतां
या इवल्याशा बाळाकरितां
वज्र धरी मघवान्
देवेंद्राच्या वज्राघातें
जरा दुखापत होय हनुतें
कोप अनावर येइ वायुतें
थांबे तो गतिमान्
पवन थांबता थांबे जीवन
देव वायुचें करिती सांत्वन
पुत्रातें वर त्याच्या देउन
गौरविती भगवान्
शस्त्र न छेदिल या समरांगणिं
विष्णुवरानें इच्छामरणी
ज्याच्या तेजें दिपला दिनमणी
चिरतर आयुष्मान्
करि हनुमन्ता, निश्चय मनसा
सामान्य न तूं या कपिजनसा
उचल एकदां पद वामनसा
घे विजयी उड्डाण
Anjanichya Suta Tula Lyrics
अंजनीच्या सुता
तुला रामाचं वरदान
एक मुखाने बोला,
बोला जय जय हनुमान
दिव्य तुझी राम भक्ती,
भव्य तुझी काया
बालपणी गेलासी
तू सूर्याला धराया
हादरली ही धरणी,
थरथरले आसमान
लक्ष्मणा आली मूर्च्छा
लागुनिया बाण
द्रोणागिरीसाठी राया
केले तू उड्डाण
तळहातावर आला
घेऊनी पंचप्राण
सीतामाई शोधासाठी
गाठलीस लंका
तिथे रामनामाचा
तू वाजविला डंका
दैत्य खवळले सारे
परि हसले बिभिषण
हार तुला नवरत्नांचा
जानकीने घातला
पाहिलेस फोडुन मोती
राम कुठे आतला
उघडुनी आपली छाती
दाविले प्रभु भगवान
आले किती, गेले किती,
संपले भरारा
तुझ्या परि नावाचा रे
अजुनी दरारा
धावत ये लवकरी,
आम्ही झालो रे हैराण
धन्य तुझे रामराज्य,
धन्य तुझी सेवा
तुझे भक्त आम्ही सारे
उपाशी का देवा ?
घे बोलावून आता
कंठाशी आले प्राण
I hope you liked hanuman bhajan marathi lyrics, if yes then please comment below and share your thoughts.
मला आशा आहे की तुम्हाला hanuman bhajan marathi lyrics आवडले असेल, जर होय तर कृपया खाली comment करा आणि तुमचे विचार शेअर करा