या पोस्टमध्ये तुम्हाला Khara To Ekachi Dharma Lyrics In Marathi | खरा तो एकची धर्म, English Lyrics सोबत bhakti geet या श्रेणी तुन मोफत ऑनलाइन मिळेल..
खरा तो एकची धर्म । जगाला प्रेम अर्पावे ॥
जगी जे हीन अति पतित
जगी जे दीन पददलित
तया जाऊन उठवावे । जगाला प्रेम अर्पावे ॥
जयांना कोणि ना जगती
सदा ते अंतरी रडती
तया जाऊन सुखवावे । जगाला प्रेम अर्पावे ॥
समस्ता धीर तो द्यावा
सुखाचा शब्द बोलावा
अनाथा साह्य ते द्यावे । जगाला प्रेम अर्पावे ॥
सदा जे आर्त अति विकळ
जयांना गांजिती सकळ
तया जाऊन हसवावे । जगाला प्रेम अर्पावे ॥
कुणा ना व्यर्थ शिणवावे
कुणा ना व्यर्थ हिणवावे
समस्ता बंधु मानावे । जगाला प्रेम अर्पावे ॥
प्रभुची लेकरे सारी
तयाला सर्वही प्यारी
कुणा ना तुच्छ लेखावे । जगाला प्रेम अर्पावे ॥
जिथे अंधार औदास्य
जिथे नैराश्य आलस्य
प्रकाशा तेथ नव न्यावे । जगाला प्रेम अर्पावे ॥
असे जे आपणापाशी
असे जे वित्त वा विद्या
सदा ते देतची जावे । जगाला प्रेम अर्पावे ॥
भरावा मोद विश्वात
असावे सौख्य जगतात
सदा हे ध्येय पूजावे । जगाला प्रेम अर्पावे ॥
असे हे सार धर्माचे
असे हे सार सत्याचे
परार्थी प्राणही द्यावे । जगाला प्रेम अर्पावे ॥
जयाला धर्म तो प्यारा
जयाला देव तो प्यारा
तयाने प्रेममय व्हावे । जगाला प्रेम अर्पावे ॥
I hope you liked Khara To Ekachi Dharma Lyrics In Marathi | खरा तो एकची धर्म, if yes then please comment below and share your thoughts.
मला आशा आहे की तुम्हाला Khara To Ekachi Dharma Lyrics In Marathi | खरा तो एकची धर्म आवडले असेल, जर होय तर कृपया खाली comment करा आणि तुमचे विचार शेअर करा